حل مشكلة زوجي دخل علي بالمجلس – هنا في إكليل المعرفة بالتفصيل

تعبانه نفسيا وماني عارفة شو بسوي بعمري، زوجي دخل علي بالمجلس ونحن ما تزوجنا للحين، عاقدين القران صحيح لكن ما صارت حفلة الزفاف،

كنا جالسين في المجلس عادي في بيت أهلي، وهو جالس معي مثل كل مرة عادي وبعدين سألني عن أهلي قلت له طالعين ما فيه أحد في البيت غيري أنا والشغالتين، من سمع هالكلام قام فز على بيبان المجلس الاثنين وقفلهم كلهم، بعدين قال لي خلينا نلعب من الخارج بدون ما يدخل، وأساسا كان هو متعود يلمسني بس من الخارج إذا صرنا لوحدنا في المجلس لكن كل شيء يكون باليد بس ومن فوق الملابس، لكن في ذي المرة كان مصر يفسخ ملابسه وملابسي ويخليها ملامسة كاملة بس بدون إدخال، قلت له ما يصير أخاف يدخل، لكنه جلس يطمني ويأكد لي انه ما راح يدخله ومن هالكلام، وأن وثقت فيه وصدقت كلامه ووعده لي.

وبعدين وهو يحركه من برع ما قدر يمسك نفسه ودخله ولا أنا قدرت أوقفه أصلا كل شيء صار بسرعة يعني كان برع وفجأة صار داخل وصرت أريد أصرخ لكن مسكت نفسي خفت الشغالات يسمعون صوتي، بعدين خلص وقام وشاف الدم ينزل على رجولي قمت بسرعة غسلت في حمام المجلس، ونظفت المكان وصرت أبكي وأقول له أهنا إيش سويت فيني ؟ صار يضحك وكأن الموضوع عادي عنده، ويقول لي أهنا حلالي واللي صار عادي وكلها شهرين وبهنازوج .

أنا من هذك اليوم تعبانه نفسيا وخايفة أحد من أهلي يدري وخايفة أحمل وصرت مهووسة أفكر ليل ونهار أخاف زوجي يموت في حادث أو يصير عليه شيء أو يغير رايه فجأة وما يتزوجني، صرت ما آكل ولا أشرب ولا أحب حتى أتكلم معه لأني أحس أنه اناني واستغفلني، ما أدري كيف تحول شعور الحب في قلبه له إلى كره ما عدت أحب أشوف وجهه أو أسمع صوته لكن في نفس الوقت كل شوي أتصل فيه أتأكد أنه بخير وبيتزوجني.

عايشة مرعوبة باقي شهر ونص لكني أحس إنهم أعوام كل يوم يمر علي أحسن سنه تعبانه، وفي الوقت نفسه ما أدري كيف يتزوج إنسان صرت أكرهه وأكره أشوف وجهه.